على الطريق

الخميس، ١١ فبراير ٢٠١٠

ساعدوني

6 التعليقات مرسلة بواسطة أميرة في ٢/١١/٢٠١٠ ٠٢:٠٥:٠٠ ص

بعد أسابيع قليلة تنتهي ألقاب "أم حمبوزو" و"أم كلالا" وحتى "أم كرش" ليكون هناك اسما حقيقيا لمولودتي تناديها به الناس وتسجله الدولة في دفاترها الرسمية .


ويبدو أن اختيار اسم:
1/ حديث .. و2/ جديد .. و3/ بسيط .. و4/ يحمل معنى جميل أصبح أمرا أصعب من الحمل والولادة في هذه الأيام.

والأهم من ذلك أن يحمل موافقة ورضا "أبو النونو" .


ساعدوني في اختيار اسم لمولودتي التي تقول الطبيبة إنها في الغالب بنوتة .

 

الاثنين، ٧ ديسمبر ٢٠٠٩

سوسة

14 التعليقات مرسلة بواسطة أميرة في ١٢/٠٧/٢٠٠٩ ٠١:٤٤:٠٠ ص

سوسه سوسه سوسه
سوسه كف عروسة
سو سه واللى يسقف

يستاهل منى بوسة

يستاهل منى بوسة
**

سوسه خبط خبط

طبطب يا ابو كف مبطبط

ولا تغلب و لا تتلخبط

ده مفيش اسهل من سوسه

**
سقف خلى الضحكة ترف

و ارقصلى ولف ولفلف

رقص قلبى المتلهلف

على تسقيفة ننوسة

على تسقيفة ننوسة

**
زقزق زقزق بكفوفك

بكفوفك دشدش خوفك

نفسى تكبرلى واشوفك

ماسك فيها الشموسة

**
بكفوفك زقزق زقزق

عصفورة قلبى تزقزق

يسلملى كفه محندق

وضوافرينه فسفوفسه

وضوافرينه فسفوسه

**
سقفلى وعلى تسقيفك

تمشى الدنيا على كيفك

بابا هنا فى اوضتك ضيفك

قوم هتلوا بسبوسة

**
سقفت انا على تسقيفتكب

حنان قلبى لفلفتك

يا سلاملم على تسقيفتك

نونو قوى انما محسوسة

نونو قوى انما محسوسة

**
سوسه سوسه سوسه

سوسة كف عروسة

سوسه واللى يسقف

يستاهل منى بوسة

 

الأحد، ٦ ديسمبر ٢٠٠٩

السبت، ٥ ديسمبر ٢٠٠٩

الأحد، ٢٩ نوفمبر ٢٠٠٩

عيد سعيد

2 التعليقات مرسلة بواسطة أميرة في ١١/٢٩/٢٠٠٩ ١٢:٢٩:٠٠ ص

يا ترى بيقولوا لبعض إيه؟

 

السبت، ٧ نوفمبر ٢٠٠٩

أشتاق لك

4 التعليقات مرسلة بواسطة أميرة في ١١/٠٧/٢٠٠٩ ٠٣:١٨:٠٠ ص

أتلهف لحركتك

واشتاق لرؤية ملامحك

وأترقب بكل حذر طلباتك وأوامرك

نبضك أصبح نبضي

ووجودك ارتبط بوجودي وكوني

ساعات الزمن تتباطأ

وتتسارع

وتتزاحم

وتتصارع

لتعلن في موعد يعلمه الله

قدومك يا طفلي/ طفلتي

إلى دنيا البشر والحياة

 

الخميس، ١٧ سبتمبر ٢٠٠٩

السبت، ٥ سبتمبر ٢٠٠٩

مش باقي مني

2 التعليقات مرسلة بواسطة أميرة في ٩/٠٥/٢٠٠٩ ٠٢:١٨:٠٠ ص

مش باقي مني
مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
**

مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..
ف كل يوم الصبح
باشرب حليب قبطي
وف النهار والمسا
بامسك ستار الكعبة لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
**

مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
**

مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكرهم
شربتهم الخفافيش
في قلب أوكارهم

مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
**

يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
**

مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..

**

مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني.. غير
شهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..
**

مش باقي مني
غير شوية رحمة من طينك..
علي شوية صبر من دينك..

مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف..
.. خيال الذل..
ف موائد الرحمن..

**
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
**
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..

**

مش باقي مني
غير شوية حب جارحّني
ولا باقي مني
غير شوية ضي ف عينيا

**

الشاعر جمال بخيت

 

الاثنين، ١٧ أغسطس ٢٠٠٩

الخميس، ٣٠ يوليو ٢٠٠٩

الأربعاء، ١٠ يونيو ٢٠٠٩

الاثنين، ٨ يونيو ٢٠٠٩

الثلاثاء، ١٩ مايو ٢٠٠٩

السبت، ١٦ مايو ٢٠٠٩