السبت، ١ مايو ٢٠١٠
روحي التي خرجت من روحي
جومانة .. تناديني
"خليني" في حضنك يا أمي
تسكن على صدري
ويتغير وجهها الى الهدوء والرضا
تهمس: لا اريد غير حضنك وطنا
فأرد : الآن أنا دنيتك ووطنك
ولكن غدا يتسع المدى
تعاود: لا احتاج غيرك ولا اريد سواك ..
انتي الأرض وأبي السماء وأختي غلافنا الجوي
فأجيبها: وفي المستقبل لكي المزيد يا حبة قلبي..
لقد كانت أمي ولازالت بقعة الضوء التي أرى بها
وإن غابت لا أتلمس الفرح والأمان بدونها
ثم اتسع الضوء وفتحت الشموس أضواءها
ومازال الغد يعدنا إن كان في العمر المزيد
الجمعة، ١٦ أبريل ٢٠١٠
عندما تجد شئ ما ينتزعك من روحك
ويرغمك أن تبتعد عنها
وتتنازل عن شئ من حقك
في ملاصقتها .. مرافقتها
في ملاصقتها .. مرافقتها
تضجر .. وتتوجع
وتنتحب لبعادها
ثم تفيق فجأة وتدرك
أن هذا الشئ هو روح روحك التي يحبها
تعاهد نفسك أن تجاهد
لتسعد روحك كما وعدتها
يختل توازنك .. بين احتياجك
وبين قدرتك على تضحية وعطاء ..لأجلها
يقبل قلب صغير من بعيد
ربما يجعلك تفهم الأمور وتضعها في نصابها
الأربعاء، ٣١ مارس ٢٠١٠
مع تزايد الوضع الانتفاخي لبطني ودخولي عتبة الشهر التاسع من الحمل ، أصبحت نظرات الشفقة والرغبة في المساعدة أعظم وأكبر لدى الجماهير المصرية في الشوارع والمواصلات العامة فأركب أي مواصلة وأن واثقة أن لي كرسي خاص سيقوم من عليه أحد الركاب "عشان المدام الحامل تقعد" .
وبقدرة قادر تحولت كل السيدات والأمهات إلى ناصحات أمينات تسدي لي نصائح من أجل حمل صحي وولادة سهلة .. "كتري من السوائل .. امشي كتير .. البلح أهم حاجة .. ربنا يقومك بالسلامة يا بنتي" ..
حتى أصل إلى باب الشركة التي أعمل بها فيستقبلني موظفوا الأمن والعاملين بالخدمات .." على مهلك .. ربنا يرزقك بساعة سهلة .. انا مراتي وهي حال كانت بتعمل كذا .. شكلك حامل في توأم .. إلى أن أصل إلى مكتبي .. اقعدي .. عايزة حاجة من البوفيه .. بطنك عاملة كده ليه .. حاسة ان العيل هايقع منها دلوقتي" ..
ويمر اليوم بين تعليقات ونكات إلى ان ياتي موعد الانصراف لأواصل حملة الدعم الشعبي في المواصلات
ينظر لي احد الصبية .." تحبي أساعدك في الركوب يا أخت"
ويصرخ في الركاب الذين بداوا يصعدون الميكروباص الذي سأستقله "حاسبوا يا جدعان .. معانا واحدة حامل.. بالراحة يا جماعة ميصحش كده .. معانا واحدة حامل يبدأ الركاب في التعاطف .. الكرسي ده متعب .. تعالي ده أريح لضهرك .. على مهلك حاسبي وانتي نازلة ".
وأسير نحو بيتي وانا انتشي من كل هذه الشعبية التي حصلت عليها بفضل جنيني الذي لم أراه بعد وأصعد درجات السلم واتمنى ان يكون زوجي قد عاد بالمنزل ليكمل مراسم الاستقبال ويأخذ مع احمله من أشياء ويطمن على صحة الحامل.
الاثنين، ٢٢ مارس ٢٠١٠
أم ياسين صديقتي: هييييييييه
- ملحقتيش عيد الأم
أنا : أنا ام طبعا بس شايلة ضنايا جوايا من البرد
- : وانا رمياه
-: بس جابلى هدية
-: وانتى لااااااااااااااااااا
- : ههههههههههههه
أنا : طب ما انا جالي هدية
: وجع الرجل والبطن
- : ههههههههه
- : ياااااي ياااى
أنا : سينو (ابنها) جابلك ايه
- : .....
-: واد محترم
أنا : ههههههههههههههههههههههههههههههههههههههههههههههههههههههههههههههههههههههه
- : دينا اختي راحت تجيلبه هدية ليا
-: عجبها ده جبته
أنا : مية مية
أنا : أنا ام طبعا بس شايلة ضنايا جوايا من البرد
- : وانا رمياه
-: بس جابلى هدية
-: وانتى لااااااااااااااااااا
- : ههههههههههههه
أنا : طب ما انا جالي هدية
: وجع الرجل والبطن
- : ههههههههه
- : ياااااي ياااى
أنا : سينو (ابنها) جابلك ايه
- : .....
-: واد محترم
أنا : ههههههههههههههههههههههههههههههههههههههههههههههههههههههههههههههههههههههه
- : دينا اختي راحت تجيلبه هدية ليا
-: عجبها ده جبته
أنا : مية مية
- : على (زوجها) بيقوله مردودالك يابنى كتر خيرك
- : اجدعنى انتى كدة وخلصي بسرعة عشان العيل التانى
-: هوب هوب كده على طول
أنا : مرة انا ومرة اسامة
أنا : انا بطني وجعتني
أنا : هو بطنه اكبر يجيب النونة الجاية
-: هههههههههه
-: لاااااااااااااااااا
-: البهدلة لنا بس
-: انا دايما اقول لعلى كده
-: تقوم من النوم تلاقى عيل جنبك ومكتوب على اسمك كمان
-: قولى تعبت في ايه
أنا : ههههههههههههههه
- : اجدعنى انتى كدة وخلصي بسرعة عشان العيل التانى
-: هوب هوب كده على طول
أنا : مرة انا ومرة اسامة
أنا : انا بطني وجعتني
أنا : هو بطنه اكبر يجيب النونة الجاية
-: هههههههههه
-: لاااااااااااااااااا
-: البهدلة لنا بس
-: انا دايما اقول لعلى كده
-: تقوم من النوم تلاقى عيل جنبك ومكتوب على اسمك كمان
-: قولى تعبت في ايه
أنا : ههههههههههههههه
الخميس، ١١ فبراير ٢٠١٠
بعد أسابيع قليلة تنتهي ألقاب "أم حمبوزو" و"أم كلالا" وحتى "أم كرش" ليكون هناك اسما حقيقيا لمولودتي تناديها به الناس وتسجله الدولة في دفاترها الرسمية .
ويبدو أن اختيار اسم:
1/ حديث .. و2/ جديد .. و3/ بسيط .. و4/ يحمل معنى جميل أصبح أمرا أصعب من الحمل والولادة في هذه الأيام.
ويبدو أن اختيار اسم:
1/ حديث .. و2/ جديد .. و3/ بسيط .. و4/ يحمل معنى جميل أصبح أمرا أصعب من الحمل والولادة في هذه الأيام.
والأهم من ذلك أن يحمل موافقة ورضا "أبو النونو" .ساعدوني في اختيار اسم لمولودتي التي تقول الطبيبة إنها في الغالب بنوتة .
الاثنين، ٧ ديسمبر ٢٠٠٩
سوسه سوسه سوسه
سوسه كف عروسة
سو سه واللى يسقف
يستاهل منى بوسة
يستاهل منى بوسة
**
**
سوسه خبط خبط
طبطب يا ابو كف مبطبط
ولا تغلب و لا تتلخبط
ده مفيش اسهل من سوسه
**
سقف خلى الضحكة ترف
سقف خلى الضحكة ترف
و ارقصلى ولف ولفلف
رقص قلبى المتلهلف
على تسقيفة ننوسة
على تسقيفة ننوسة
**
زقزق زقزق بكفوفك
زقزق زقزق بكفوفك
بكفوفك دشدش خوفك
نفسى تكبرلى واشوفك
ماسك فيها الشموسة
**
بكفوفك زقزق زقزق
بكفوفك زقزق زقزق
عصفورة قلبى تزقزق
يسلملى كفه محندق
وضوافرينه فسفوفسه
وضوافرينه فسفوسه
**
سقفلى وعلى تسقيفك
سقفلى وعلى تسقيفك
تمشى الدنيا على كيفك
بابا هنا فى اوضتك ضيفك
قوم هتلوا بسبوسة
**
سقفت انا على تسقيفتكب
سقفت انا على تسقيفتكب
حنان قلبى لفلفتك
يا سلاملم على تسقيفتك
نونو قوى انما محسوسة
نونو قوى انما محسوسة
**
سوسه سوسه سوسه
سوسه سوسه سوسه
سوسة كف عروسة
سوسه واللى يسقف
يستاهل منى بوسة
الأحد، ٦ ديسمبر ٢٠٠٩
حبيبي الغائب عن دنيا البشر
يا من غاب نوره عن دنياي عامين كاملين
كأنهما جبلين من الألم والحزن ارتميا فوق صدري
غاب فيهما ضوء الشمس
ولكن لاحت نجمة الرضا بالقدر تربت على كتف قلبي المكلوم
تحاول أن تلهيه وتدلله بمتع الحياة
فانشغل القلب كطفل صغير في محاولة لنسيان الوجع والصراخ
ولكن طيف ذكراك يعود كالحلم في كل ليلة
وأجدني أتخيلك معي في كل لحظة مرت في هذين العامين
تخيلتك يا أبي كأنك كنت معي ليلة خطوبتي تقبلني وتحتضنني
تخيلت أنك كنت وكيلي ليلة عقد قراني وزفافي
تمنيت ـ دونما اعتراض على قضاء الله ـ لو أنك أنت الذي وضع يده في يد زوجي وقلت له "زوجتك موكلتي .. ابنتي "
تخيلتك تزورني وتعودني بعد أن أضع حملي وتحمل بكل الحب والعطف الذي يملأ قلبك حفيدك وتقول لي "أعز الولد ..
ولد الولد" ..
أتذكر الآن وأفهم متأخرا كل ما كنت تقوم به لأجلي
رحمة الله عليك يا أبي .. رحمك الله الغفور الرحيم الذي شملت رحمته السموات والأرض
إن العين لتدمع وإن القلب ليحزن ولا نقول إلا ما يرضي الله
السبت، ٥ ديسمبر ٢٠٠٩
تعلن وكالة "أفراح موقع محيط" للإعلان
عن بيان هام جدا جدا
وهو
خطوبة
أحد
أشيك بناتها
الآنسة شيرين
سليلة الحسب والنسب
ومنارة محافظة حلوان العظيمة
على
البشمهندس محمد
البشمهندس محمد
أحد شباب الفن والهندسة
وسيجري لبس "الشبكة" رسميا
وسيجري لبس "الشبكة" رسميا
خلال شهر ونصف بإذن الله
والعاقبة عندكم في المسرات.. لولولولولولوي
الأحد، ٢٩ نوفمبر ٢٠٠٩
السبت، ٧ نوفمبر ٢٠٠٩
الخميس، ١٧ سبتمبر ٢٠٠٩
كل سنة والحياة طيبة
بحلوها ومرها
بس بردوه طيبة
بأفراحها وأحزنها
طيبة
بحبايبها وأعداءها
طيبة
**
لسه بدري يا شهر الصيام
أسرع شهر يمر في الكون
ربنا يتقبل ويجعل خروجنا منه
خروج الأتقياء المغسولين من الذنوب
**
عيد سعيد علي وعلى زوجي
وأسرتي الجميلة
وعلى أمي وأخويا وأختي
وكل صحابي
بحبكم قوي
كل سنة وانتم طيبيين
**
مدونتي الهادية
كل سنة وانتي طيبة
بردوه
طيبة
السبت، ٥ سبتمبر ٢٠٠٩
مش باقي مني
مش باقي مني غير شوية ضي ف عينيا
أنا هاديهوملك
وامشي بصبري ف الملكوت
يمكن ف نورهم تلمحي خطوة
تفرق معاكي
بين الحياة والموت
**
مش باقي مني غير شوية نبض ف عروقي
خُدي.. وعيشي..
وافتحي لي تابوت
أفرح بريحة ورد فرعوني
وربنا ف عوني
إذا دخلت الجنة ولاّ النار
هاشتاق إلي ضحكتك
وقعدتي ف الدار
والقهوة متحوجة
من طيبة العطار..
ف كل يوم الصبح
باشرب حليب قبطي
وف النهار والمسا
بامسك ستار الكعبة لو سبتي
واثبت إذا هربتي
أهديكي عمري وحسي وجوارحي
أهديكي جرحي
هو اللي باقي ف دنيتي لما خلص فرحي
**
مش باقي مني
غير شوية لحم ف كتافي
بلاش يتبعتروا ف البحر
بلاش يتحرقوا ف قطر الصعيد
ف العيد
بلاش لكلب الصيد.. تناوليهم
خدي اللي باقي من الأمل فيهم
وابني لي من عضمهم
في كل حارة مقام
وزوريني مرة وحيدة
لو كل ألفين عام
ألم الجراح يتلم
**
مش باقي مني غير شوية دم
متلوثين بالهم
مُرين وفيهم سم
كانوا زمان شربات
والنكتة سكرهم
شربتهم الخفافيش
في قلب أوكارهم
مش باقي مني غير شوية دم.. ماأقدرشي
أسقيكي.. مواجعهم
وبرضه ما أقدرشي
أرميكي..
وأبيعهم
**
يمكن ف مرة تعوزي تطلبيني شهيد
هاحتاج يوميها الدم
يمضي علي شهادتي
**
هاحتاج يوميها الدم
يمضي علي شهادتي
**
مش باقي مني
غير شوية قوة ف إرادتي
علي شوية شِعر من خطي
حاسبي عليهم وانتي بتخطي
وانتي ف صبح الدلال
بتعطري شطي..
**
مش باقي مني
غير شوية ضي ف عينيا
أنا مش عايزهم
لو كنت يوم هالمحك
وانتي بتوطي
في معركة مافيهاش
ولاطيارات ولاجيش
وانتي ف طابور العيش
بتبوسي إيد الزمن
ينولك لقمة
من حقك المشروع
مش باقي مني.. غير
شهقة ف نفس مقطوع..
بافتح لها سكة
ما بين رئة.. وضلوع..
ما بين غبار.. ودموع..
وأنا تحت حجر «المقطم»
ف الدويقة باموت
أنا.. والعطش.. والجوع..
يئن تحتي التراب
وانا صوتي مش مسموع..
ياحلمنا الموجوع..
من المرور ممنوع..
مستني لما يمر
موكب سلاطينك..
**
مش باقي مني
غير شوية رحمة من طينك..
علي شوية صبر من دينك..
مش باقي مني غير حبة غُنا تايهين
ف الضلمة مش لاقيين
حس الفواعلية..
ولا صوت مراكبي عَفي
فوق المعدية..
ولا صوت بناتي العذاري
في كل صبحية..
والغنوة.. أمنية
«ياما نفسي أقابل حبيبي..
وانا ع الزراعية»..
صوتك وصوتهم غاب..
وانا تحت حجر المقطم.. باموت لوحديّا..
الليلة راحت عيوني
تطل ع البستان..
وجناين الرمان..
رجعت لي توصف عناد الغل والدخان
وسحابة سودا تضلل
علي الغُنا الغلبان..
رجعت لي توصف هبوب الموت
علي الألوان..
رجعت لي توصف..
.. خيال الذل..
ف موائد الرحمن..
**
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
**
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
مش باقي مني غير شوية كُفر بشروقك
وأنا..
منبع الايمان..
مش باقي مني..
غير شوية ضي..
وعينيا
مش قادرة تلمحني..
في وحدتي محني..
خايف أموت م الخوف
والضعف يفضحني..
**
السجن عشش ف قلبي
وماشي ف شوارعك..
نفس اللي باعني وخدعني
بالرخيص بايعك..
هاشيل حمولي انا
ولا هاشيل حملك ؟!
ماعدت أملك شيء..
فيكي.. ولا فيّا
ولا قيراط ولا بيت..
ولا نسمة صافية تلاغي النيل بحرية..
**
مش باقي مني
غير شوية حب جارحّني
ولا باقي مني
غير شوية ضي ف عينيا
الشاعر جمال بخيت
الاثنين، ١٧ أغسطس ٢٠٠٩
تتسارع ضربات القلب
تلوح أشكال غريبة
يسكن الجسد ولا يستطيع التحرك
تدرك حينها أنها نائمة
تحاول الاستيقاظ
لا جدوى بدون جهد أكبر
وفي هبة قوية
ينته الموقف
بزفرات تائهة
**
يا قمر طالع ..
بفانوس والع ..
ألوان وأنغام
أخرجها فانوس رمضان
الطفولي
الأول
منذ سنوات العمر الطويلة
يحمل معاني ومشاعر
ويبحر داخل الذكريات
وينشر عطرها
على الحاضر
**
في ساعات الفجر
تستيقظ حائرة
تدرك أنها على شاطئ السعادة
تتمنى أن ترتدي زي البحر
وتغوص في أعماقه
ولكن الوقت لايتسع
فتتخذ قرارها الروتيني
بالخروج مؤقتا
**
أوقات العصر
تسابق الريح
تجري نحو البحر
لتتلطف بمياهه
تلاحقها المهام الروتينية
المياه مازالت راكدة
تنتظر لحظة صفاءها
قد تفاجئها دفعات المياه
وقد تتأخر
فتحرقها لفحات الشمس
وتوجعها الدقائق
فتحاول إسكاتها بالنوم
فهو المسكن المناسب
**
ساعات الليل قصيرة
ولكنها أحيانا تكون طويلة
حينما يشوبها شجار أسماك المحيط
الخميس، ٣٠ يوليو ٢٠٠٩
هل دنت الجنة مني؟ ..
هل سكنتها وأنا لا زالت في الحياة الدنيا؟
هكذا سألت نفسي ..
متمنية أن يمضي العمر كله
مثلما مضت لحظاتي في الأربعون يوما الأولى من زواجي
كانت كنعومة البحر
تنتابها فترات من الهياج والثورة والغضب
لكنها لاتلبث أن تعود
هادئة
حالمة
عاشقة
في كهف الليل وأنغامه
تشرق عليها الشمس بآمالها
ويأويها المساء بسكنه
فعدت لعملي وأصدقائي بعد زواجي
حاملة في قلبي طاقة من النور والحب
متمنية أن يعينني ربي
أن أحافظ على ثمرتي وأكافح من أجل جمالها ونضارتها
ليكون ذلك خير شكر للنعمة
اللهم لك الحمد
هل سكنتها وأنا لا زالت في الحياة الدنيا؟
هكذا سألت نفسي ..
متمنية أن يمضي العمر كله
مثلما مضت لحظاتي في الأربعون يوما الأولى من زواجي
كانت كنعومة البحر
تنتابها فترات من الهياج والثورة والغضب
لكنها لاتلبث أن تعود
هادئة
حالمة
عاشقة
في كهف الليل وأنغامه
تشرق عليها الشمس بآمالها
ويأويها المساء بسكنه
فعدت لعملي وأصدقائي بعد زواجي
حاملة في قلبي طاقة من النور والحب
متمنية أن يعينني ربي
أن أحافظ على ثمرتي وأكافح من أجل جمالها ونضارتها
ليكون ذلك خير شكر للنعمة
اللهم لك الحمد
الأربعاء، ١٠ يونيو ٢٠٠٩
بسم الله الرحمن الرحيم
{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}...
صدق الله العظيم...
بلغني ايها الملك السعيد...
ذو الرأي الرشيد...
انه فترة من الزمان...
زقزقت طيور الرحمن...
واصاب سهم الحب والحنان...
قلبي كلا من سمو الامير سمسم...
وسمو الاميرة مرمر...
ولما كان الحب بينهما عظيم...
قرر سمسم الذهاب لمنزل العروس الكريم...
ليعلن حبهما المحسوس...
وصدقهم الملموس...
وبعد التروي والسؤال...
والاتفاق علي جميع الاحوال...
تقدم كل من الاستاذ / أسامة عبد الرحيم حسين ...
والاستاذة / أميرة محمد زكي...
بدعوة سيادتكم لحضور حفل الزفاف...
وذلك بمشيئة الله تعالي في مساء يوم / السبت وعليكم خير...
الموافق : 20 / 6 / 2009 ...
الساعة 9 مساءاً بقاعة الأفراح بمسجد الفتح الكائن بميدان رمسيس...
ليجتمع الشمل والوئام...
ويرفرف علي قاعة الاحلام...
حمام السلام ...
حتى يشرق الصباح...
فلا تسكت شهر زاد عن الكلام المباح...!
الاشتراك في:
الرسائل (Atom)
