الخميس، ١٥ مايو ٢٠٠٨
لابد أن أكتبها وأنا حية قبل أن أموت .. ومن يدري متى ستأتيه لحظة افتراق الروح عن الجسد واختباء الجلد والعظم والماء تحت التراب .. إذًأ إليكم هذه الكلمات التي ربما تكون هراءات أو محادثات داخلية آنية .. في النهاية إنها وصيتي ...
شكر
شكر كبير لكل من ساعدني وأفرحني وواساني وهنأني ..على رأس الأبطال أمي وأبي (رحمه الله) وأخي وأختي "المتعبين" الذان أسعداني بوجودهما في حياتي ، وشكر خاص لأصدقائي وزملائي وقبلهم أقاربي وأهلي.
وشكر إليكتروني تحمله الشبكة العنكبوتية لكل من طرق بـ"الماوس" و"الكيبورد" مدونتي .. لكم مني كل التحية والسلام
اعتذار
بالإضافة لاعتذاري لكل المشكورين السابقين لكل ما اكون قد سببته لهم من لحظة غضب أو تكشيرة كانت في وجهي أو خذلانهم في مواقف مرت بنا ، أعتذر لفئة أخرى عرفتها من البشر .. كان تحلم مثلي تماما أن نتشارك في قيادة دفة الحياة .. ولكني رأيت في نفسي وأنفسهم طريقين مفترقين ..
ممتلكاتي
إن أبقى لي الزمان مالا بعد نفقات الكفن والغسل والدفن والجنازة فليكون شطره الأعظم لأمي وروح الغالي أبي ، أما ممتلكاتي المادية فمعظمها كانت حاجيات اشتريتها لمستقبل رسمت فيه نفسي مع زوجي في بيت هادئ يتقي الله، وها أنا قد مت قبل أن أرى ذاك الزوج .. فاقبليها مني يا أختي هدية تدعم أدوات منزلك وليحفظك الله أنت وزوجك وولديك زياد وعمر ..
تظلم
كل من حكم بلادي أو أدار أمرا فيها .. اتق الله .. إن كنت عدلت فأدعو الله أن يبارك فيك ويرضيك ، وإن كنت ظلمت فلا استطيع أن أعدك بالمسامحة وإن فعلت فلا أضمن 70 مليون غيري.
دعاء
اللهم اعفو عني وعنهم .. اللهم أصلح أحوال بلاد العرب والمسلمين
إن أبقى لي الزمان مالا بعد نفقات الكفن والغسل والدفن والجنازة فليكون شطره الأعظم لأمي وروح الغالي أبي ، أما ممتلكاتي المادية فمعظمها كانت حاجيات اشتريتها لمستقبل رسمت فيه نفسي مع زوجي في بيت هادئ يتقي الله، وها أنا قد مت قبل أن أرى ذاك الزوج .. فاقبليها مني يا أختي هدية تدعم أدوات منزلك وليحفظك الله أنت وزوجك وولديك زياد وعمر ..
تظلم
كل من حكم بلادي أو أدار أمرا فيها .. اتق الله .. إن كنت عدلت فأدعو الله أن يبارك فيك ويرضيك ، وإن كنت ظلمت فلا استطيع أن أعدك بالمسامحة وإن فعلت فلا أضمن 70 مليون غيري.
دعاء
اللهم اعفو عني وعنهم .. اللهم أصلح أحوال بلاد العرب والمسلمين
الاشتراك في:
تعليقات الرسالة (Atom)
18 التعليقات:
السلام عليكم
فرحااااااااااان اني اول تعليق
وزعلاااااااان عشان اول مره اجي فيها المدونه الاقيكي بتتكلمي عن الوصيه والموت
هههههههه
بهزر
علي العموم ربنا يباركلك في الناس اللي يهموكي دول ولزومها ايه الوصيه
وانتي عايشه كلمي كل اللي زعلانين صالحيهم وسامحي كل اللي زعلانه منهم
والعيشه هتبقي فل
تحياتي
ده انتي طلعتي كاتبة وصية بجد وبحق وحقيقي مممممممممممممممم
بس تصدقي انا زعلانة ولا حتى تكتبيلي اي حاجة من ثروتك كده ولا اي حلة او شوكة او حتى معلقة اي جاحة ده احنا عشرة بردوا... نداااااااااااالة
دومتي بخير يااميرتي وربنا يبارك فيكي وتعيشي احلى حياة وتنعمي بالجنة
تحياتي
bar2ash
*********
وعليكم السلام ورحمة الله
منور المدونة يا افندم ..
معلش حظك جه في الوصية والموت بس صدقني لو دعبست في مواضيع المدونة هتلاقي التفاؤل بينط منها
مرورك أسعدني
أيامنا الحلوة
*************
مقدرش على زعلك أبدا .. بس مفيش حاجة في ممتلكاتي الهزيلة تليقك بمقامك .. أقولك ممكن أسيبلك ايشارباتي .. ولو حاجة تنفعك من هدومي اتفضليها
ايه يا بنتي ده
فيه ايه؟؟؟؟؟
لا حول ولا قوة الا بالله هو الاكتئاب وصل معاكي للدرجة دي؟؟ قال ايه وبتتهميني انا بالاكتئاب؟؟؟؟؟؟
وبعدين مش عيب كدة ما تسيبيش حاجة من ميراثك ليا انا؟؟؟؟؟ او حتى لشيرين صاحبتك؟؟؟؟
ربنا يديكي طولة العمر وتفرحي باولادك واحفادك وتعيشي حياة سعيدة وجميلة دايما
ربنا يبارك فيكى يارب
تحياتى
في حب مصر
**********
لالا مش اكتئاب ولا حاجة .. انا مش عايزة الورثة يتخانقوا بعد ما اموت فقلت احل المشكلة من دلوقتي .. انما انا زي الفل ولسه بغني "الحياة حلوة"
وبعدين اكتبك في الوصية ازاي .. انت ناسي انك عامل تعتيم إعلامي !!!!!
أما شيرين فخلاص كتبتلها اللي فيه النصيب متخافش عليها
ضد الظلم
********
حمدالله على السلامة يا زعيم
ربنا يكرمك ويارك فيك
السلام عليكم
ازيك يا أميرة
يا ستي لو كان على التعتيم الاعلامي نشيله المهم يكون لينا نصيب في الميراث..هههههههههه
وادي اللينك بتاع الموضوع علشان تعرفي اني رفعت التعتيم الاعلامي
http://www.ecssr.ac.ae/CDA/ar/FeaturedTopics/DisplayTopic/0,2251,812-0-33,00.html
بس خلي سياسة التعتيم دي مستمر على المدونة بتاعتي... اتفقنا
وقوليلي ايه نصيبي في التركة؟؟هههههههههههههههههه
تحياتي
في حب مصر
*********
إزيك يا افندم .. كويس انك لسه عايش ولم يتم اغتيالك .. اللينك اللي حطيته مش بيفتح بس أنا اخدت اللينك من شيرين وقريت موضوعك الجامد .. وأسلوبك الثائر الذي أحييه رغم اختلافي مع وجهة نظرك ، وممكن أرد عليك بلينك تاني لموضوع كتبته زميلة لي يعبر عن وجهة مشابهة لرأيي
http://www.moheet.com/show_files.aspx?fid=126994
أما موضوع التركة فممكن أكتبلك جزء من قسم الأخبار في "محيط" باسمك .
السلام عليكم
ازيك يا استاذة أميرة
اسف اولا لو كنت اقتحمت الاميل بتاعك
بس انا لقيته على المدونة بتاعتك وحبيت اتعرف عليكي بعد الوصفة الجميلة اللي كتبتيها عن نفسك
كنت عايز اعرف انتي خريجة ايه وبتشتغلي ولا لا وشوية حاجات عنك؟؟
انا اسمي مهاب خريج اعلام وبشتغل في جورنال في الكويت
ارجو ما أكنش رخمت عليكي
وياريت تردي وتعرفيني على نفسك
مهاب
*****
وعليكم السلام ورحمة الله وبركاته .. أهلا يا مهاب ومرحب بيك في مدونتي
أنا خريجة قسم إعلام شعبة صحافة ، وباشتغل في موقع أخبار
منور المدونة وأهلا بكل العاملين في الكويت
واضح انك معجبة بحزب الله أووي يا أميرة؟؟ عامة دي اختلاف وجهات نظر ، بس صدقيني حزب الله مجرد أداة في ايد ايران مش حزب وطني ولا حاجة؟؟؟
وبعدين هو انتي كمان قسم اعلام زي شيرين، على كدة بقى انتو اصحاب من زماان؟؟ ومستمحلين بعض ازاي كل ده؟؟؟؟ ههههههههههههه
في حب مصر
*********
أنا مش معجبة بحزب الله قوي ولا حاجة وخصوصا إنه شيعي، لكن لازم ندافع عن حركة المقاومة الوحيدة الموجودة في لبنان ومنرددش نفس كلام أمريكا وإسرائيل لأن أجندتنا مختلفة تمام الاختلاف عنهم ..
أما موضوع صداقتي مع شيرين فحاسة إنه تحت المراقبة ومفيهوش أي تعتيم إعلامي !!!
ايه يا بنتي مغمقاها ليه كده؟..سيبيها لله .ز وما تدري نفس ماذا تكسب غداً وما تدري نفس بأي أرض تموت.. على فكرة مدونتك جميلة فعلا ..ومتأسف على الخطأ السابق.
فين الجديد
مش ينفع كده
تحياتى
ابوالعربى
مستر حسام
********
معلش البوست ده غامق شوية بس الجاي فاتح ان شاء الله .. مهي وصية ولازم تتكتب دلوقتي وانا عايشة ..
شكرًا على إطرائك على المدونة .. ولو إنها من بعض ما عندكم يا افندم ..
اعتذارك مقبول ونسأل الله أن يحفظنا وإياكم من الزهايمر
نورت المدونة
ضد الظلم
*********
حاضر يا ابو العربي الجديد جاي ان شاء الله بس يا ريت حضرتك كمان تجدد
سعيدة جدا بمرورك على مدونتي
إرسال تعليق