الأربعاء، ٣١ مارس ٢٠١٠
مع تزايد الوضع الانتفاخي لبطني ودخولي عتبة الشهر التاسع من الحمل ، أصبحت نظرات الشفقة والرغبة في المساعدة أعظم وأكبر لدى الجماهير المصرية في الشوارع والمواصلات العامة فأركب أي مواصلة وأن واثقة أن لي كرسي خاص سيقوم من عليه أحد الركاب "عشان المدام الحامل تقعد" .
وبقدرة قادر تحولت كل السيدات والأمهات إلى ناصحات أمينات تسدي لي نصائح من أجل حمل صحي وولادة سهلة .. "كتري من السوائل .. امشي كتير .. البلح أهم حاجة .. ربنا يقومك بالسلامة يا بنتي" ..
حتى أصل إلى باب الشركة التي أعمل بها فيستقبلني موظفوا الأمن والعاملين بالخدمات .." على مهلك .. ربنا يرزقك بساعة سهلة .. انا مراتي وهي حال كانت بتعمل كذا .. شكلك حامل في توأم .. إلى أن أصل إلى مكتبي .. اقعدي .. عايزة حاجة من البوفيه .. بطنك عاملة كده ليه .. حاسة ان العيل هايقع منها دلوقتي" ..
ويمر اليوم بين تعليقات ونكات إلى ان ياتي موعد الانصراف لأواصل حملة الدعم الشعبي في المواصلات
ينظر لي احد الصبية .." تحبي أساعدك في الركوب يا أخت"
ويصرخ في الركاب الذين بداوا يصعدون الميكروباص الذي سأستقله "حاسبوا يا جدعان .. معانا واحدة حامل.. بالراحة يا جماعة ميصحش كده .. معانا واحدة حامل يبدأ الركاب في التعاطف .. الكرسي ده متعب .. تعالي ده أريح لضهرك .. على مهلك حاسبي وانتي نازلة ".
وأسير نحو بيتي وانا انتشي من كل هذه الشعبية التي حصلت عليها بفضل جنيني الذي لم أراه بعد وأصعد درجات السلم واتمنى ان يكون زوجي قد عاد بالمنزل ليكمل مراسم الاستقبال ويأخذ مع احمله من أشياء ويطمن على صحة الحامل.
الاشتراك في:
تعليقات الرسالة (Atom)
4 التعليقات:
يابنتي انتي مفيش فايدة فيكي قولتلك ابقي اشفطي بطنك .... انا لما ابقى زيك كده ان شاء الله هشفط بطني وهعملهلكم مفجأة كلكم واجيبلكم العيل الشغل كده على فجأة زي زيارة أوباما لافغانستان
تحياتي ويارب تقومي بالسلامة دي دعوة شفقة بردو مش معقول تصعبي على الناس كلها وانا لا
طب مش تؤلي انك حامل...!!
(:
الف سلامة سموك يا فندم..!
أيامنا الحلوة
والله يا بنتي ما بينفع شفط ولا مدارية ، اييييه فين أيام العود الفرنساوي
كتر خيرك .. طول عمرك حنينة
بيتنا القديم
يا راجل .. هو انت متعرفش .. طب ابو العيال باعتلك السلام وبيقولك تشرفنا يوم العقيقة .. وتجيب معاك علبة بامبرز وموغات وشمع
.. اه وتعدي على الصحة تكتب المولود باسمك
إرسال تعليق