الثلاثاء، 26 فبراير، 2008

ورقة من كتاب



كم مرة ألمت بك مشكلة عظيمة؟ .. ولم تعد ترى املا في الحياة ..عجزت عن التفكير والحل ..وانطفأ النور في حياتك .. تبعثرت خطواتك وضاع منك الطريق

لن أخبرك بالحل ..ولكني سأخبرك بأهم خطوة قبل الحل .. أن ترى الحقيقة
ترى حجم مشكلتك في الحياة ..
فمشكلتك كلمة في سطر تحمله صفحة كتاب من بين عشرات أو مئات الصفح
وهو كتاب واحد بين عدد لا محدود من كتب الحياة

هل فقدت شخصا تحبه؟ .. هناك آخرين يحيطونك .. هناك نعمات كثيرة تتغمدك
هل فشلت في مشروع ؟ .. مشروعك خطوة من بين مئات التي خطوتها وستخطوها في عمرك الذي لا يعد سوى مرحلة أولى من الحياة .. وهناك حياة آخرة أبدية

لا تحزن

لأن مشكلتك نقطة حبر في كتاب الحياة .. اقفز لترى الصفحات الأخرى وانطلق نحو كتب شتى ولا تقف عند سطر واحد انسكب فوقه الحبر وأظلمه

8 التعليقات:

أيامنا الحلوة يقول...

كلامك صح فعلا يااميرة لازم نتخطى اي مشكلة بتواجهنا والحياة فيها كتير وعلى اد ما نقدر نحاول نخليها احلى وافضل

تحياتي وربنا حلي ايامك ويبعد عننا المشاكل

احساس لسه حى يقول...

عزيزتى

معاكى حق اى مشكلة بنمر بيها بين مشاكل الناس تبقى هينه لان مشاكل الناس كتيرة وكبيرة

حتى فقدان اللى بنحبهم ما ده الطبيعى لازم مع مر السنين نفقد اشخاص واحنا فى يوم اشخاص هيفقدونا

والفشل فى مشروع او هدف هنلاقى قصاده نجاع فى مشاريع واهداف كتيرة

واحلا حاجه اننا نرضى باى شئ وكل شئ لان زى ما قولتى الحياة دى صغيرة ومرحلة اولى من الحياة


ولسه باقى الحياة الابدية

تحياتى
سلام

أميرة يقول...

أيامنا الحلوة
************
ربنا يكرمك ويحلي ايامك انتي كمان

احساس لسه حي
*************
صدقت "احلا حاجه اننا نرضى باى شئ وكل شئ"

نورت مدونتي وأشكر اهتمامك

aliaa abdalfatah يقول...

كعادتك يا اميرة كلامك كله حكم
فعلا الواحد لما بيقف عند مشكلة وينغلق على نفسه يشعر وان الدنيا اضيق من خرم الابرة زي ما بيقولوا لكن لو توكل على الله ورضا بما قسمه الله له
الامر سيختلف كثيرا
تحياتي لكي يا اميرة
تقبلي مروري وانتظر تعليقك على هذه التدوينية
http://belmaqlob.blogspot.com/2008/03/blog-post_03.html

أميرة يقول...

علياء
*****
سعيدة جدا بمرورك وسأنطلق الآن لأقرأ تدوينتك

في حب مصر يقول...

كلامك جميل جدا بس هل فعلا ممكن نطبقة
كل شخص بيقع في مشكلة دايما بيحس ان مشكلته أكبر من غيرة وانه الوحيد في العالم اللي بيعاني
انتي فعلا ممكن تنصحي اي شخص انه يتجاوب مع مشكلته ويحاول يحلها بهدوء وانها مشكلة بسيطة لكن انتي نفسك لو وقعتي في نفس المشكلة ممكن يكون رد فعلك أقوى
جميل اننا نصح دايما لكن صعب نطبق النصايح حتى على نفسنا

مصري غلبان عايش في الإمارات
واتمنى تزوري مدونتي البسيطة

أميرة يقول...

في حب مصر
*********
دعني أولا أرحب بك في أول زيارة منك لمدونتي

أما موضوع النصائح وتطبيقها على أنفسنا فأود أن أخبرك أني أخاطب نفسي بما أكتبه قبل أن أخاطب به غيري وكل ما كتبته ما هو إلا انعكاس لما حدث لي بالفعل فأنا فقدت شخصا أحبه وهو أبي وفشلت في مشروعات سابقة وخطط وضعتها
ولكني أنتفضت أؤكد لنفسي أن القادم أفضل بإذن الله ، وأخرجت نفسي من حزني وأردت أن يخرج الآخرين من أحزانهم كي يستطيعوا مواصلة الحياة

أشكرك على زيارتك وأعدك بزيارة مني لمدونتك

في حب مصر يقول...

أنا بصراحة مقدرش غير ان أحييكي على قوة شخصيتك وإصرارك على مواصلة الحياة والنظر لجوانبها الإيجابية

فيه ناس كتير ما بتقدرش تعمل كدة وتحس مع أول مشكلة انها نهاية الكون

ربنا يوفقك ويساعدك دايما على التفاؤل وحب الحياة