الأربعاء، ١٠ يونيو ٢٠٠٩

دعوة فرح


بسم الله الرحمن الرحيم
{وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ}...
صدق الله العظيم...
بلغني ايها الملك السعيد...
ذو الرأي الرشيد...
انه فترة من الزمان...
زقزقت طيور الرحمن...
واصاب سهم الحب والحنان...
قلبي كلا من سمو الامير سمسم...
وسمو الاميرة مرمر...
ولما كان الحب بينهما عظيم...
قرر سمسم الذهاب لمنزل العروس الكريم...
ليعلن حبهما المحسوس...
وصدقهم الملموس...
وبعد التروي والسؤال...
والاتفاق علي جميع الاحوال...
تقدم كل من الاستاذ / أسامة عبد الرحيم حسين ...
والاستاذة / أميرة محمد زكي...
بدعوة سيادتكم لحضور حفل الزفاف...
وذلك بمشيئة الله تعالي في مساء يوم / السبت وعليكم خير...
الموافق : 20 / 6 / 2009 ...
الساعة 9 مساءاً بقاعة الأفراح بمسجد الفتح الكائن بميدان رمسيس...
ليجتمع الشمل والوئام...
ويرفرف علي قاعة الاحلام...
حمام السلام ...
حتى يشرق الصباح...
فلا تسكت شهر زاد عن الكلام المباح...!

16 التعليقات:

قلب ينبض بالحب يقول...

لولووووووووووووووي ... مبروك مبروك مبروك ... مبروك عليكم وعلينا ... مبروكات يا مرمر ونحمد الله الذي جمع شملكم وبالرفا والبنين

بيتنا القديم يقول...

مبروك يا مرمر
يا هدية ربي
(:
جوتام..!

GiGi world يقول...

انا اول مره اعرفكم بس مبروك ليكم انتم الاتنين
بارك الله لكما وبارك عليكما وجمع بينكما فى خير
والبخور بقه من عندى لاحلى عروسين
بجد فرحت ليكم جدااا جدا جدا

Jana يقول...

وانا جاية من عند العريس عشان اقولك مبروك مخصوص هنا
تهنئة واحدة متكفيش تعبر عن فرحتى بيكم بجد
اسامة اخ من زمان ودايما بادعيله بالخير ..وانتى كلك خير يا اميرة

اسامة توهنى فى التعليق وبعتنى فى صحرا وسابنى هناك.. يرضيكى كده!!؟
:)
والله انا لو كنت فى القاهرة كنت شبطت فى بدرية الجميلة توصلنى

الف مبروك يا اميرة
ربنا يكرمكم ويسعدكم ويتمملكم على خير يارب
:))

Unknown يقول...

الف مبروووووووووووووووووووووووك

نهياوية يقول...

الف مبرووووووووووووووووك
بارك الله لكما وبارك عليكما وجمع بينكم في خير



اه صحيح

انا بحب الشوكولاتة اوي اوي اوعوا تنسوا تكثروا منها

أميرة يقول...

قلب ينبض بالحب
*************
والله اسم على مسمى
ربنا يخليكي ليا يا صديقة العمر
دمتي بقلبك النقي
الذي يتحمل مني الكثير
*
معلش بقا ثوابك عند الله
انتي اللي اختارتي صاحبة متعبة
*
ربنا يكرمك ويفرح قلبك بيا ويفرح قلبي بيكي


بيتنا القديم
***********
مبروك عليا قلبك
ومنة الله بحبك

فاصل من الزفرااااااااات والآهاااااات

مواه اوسي يا نور العين

GiGi worled
************
خطوة عزيزة وتهنئة لذيذة
ربنا يبارك فيكي ونفرح عن قريب بيكي
خلاص هاعتمد على الله في البخور ثم عليكي

نورتيني

أميرة يقول...

Jana
******
أهلا بيكي يا جانا
أخت كريمة فاضلة
الله يبارك فيكي
ويفرح قلبك بكتاكيتك

اسامة سابك في الصحرا .. يا خبر
لو كنتي قصدتيني من الأول كنت هاديكي وصفة سهلة

مستنيينك اول ما توصي القاهرة .. واشبطي في بدورةدي الوصفة سهلة جوي
دمتي بكل خير

أميرة يقول...

Ahmed Talk
***********
الله يبارك فيك وعقبالك
لو كنت مش مرتيط

نهياوية
******
الله يبارك فيكي
خلاص اتفقنا
الشيكولاتة كلها لهبهوبة وبس
ممنوع اقتراب باقي المعازيم
عقبال ليلتك ياباشا

شيرين يقول...

الف الف مليون مبروك يااحلى عروسة وربنا يتم عليكي بخير يارب ويفرح قلبك انتي واسامة

وادي زغروطة كمان لوللووووي

أميرة يقول...

شيرين
****
الله يبارك فيكي يا حبيبتي
ومتحرمش من كل "لولولي" منكم

بس عايزة اسمعها عالية توصل لقلب الصعيد
عقبالك يا اجمل شيرين
وخلي "لولولي" ساعتها عليا

aliaa abdalfatah يقول...

الف الف الف الف الف مبروك يا اميرة وربنا يتمملك بخير
بارك الله لكما وبارك عليكما وجمع بينكما في خير
ربنا يرزقك بالذرية الصالحة يارب يا مرمر
يا قمر
ربنا يسعدك يا حبيبتي
استنيني انا جية انا ومريم ان شاء الله
علشان اشوف احلى واجمل عروسة في الدنيااااا

غير معرف يقول...

سرقة ادبية
النص المسروق والذي سرقه صاحب مدونة " بيتنا القديم "
http://osamaislamic.blogspot.com/2009/05/blog-post_23.html
النص الأصلي
http://www.o2publishing.com/_new1.php?FileName=20090510193051

بـسـمـــة صـــــلاح يقول...

الف مليون مبروك
ربنا يسعدكوا يارب ويهنيكوا
ويرزقكوا بالذرية الصالحه

مع اني اول مرة اجي ومعرفكوش الا اني فرحانه اوي ليكوا


ربنا يسعدكوا دنيا واخره مع بعض
تقبلي مروري
تحيــ بسومةــاتي(:

أنا وهالة يقول...

ميرو ... مرمر ... أميرة الأمراء
ألف ألف مبروك يا عسل
ويارب دايما في سعادة وحب
فرحتلك كتير يا صديقتي الحبيبة

أميرة يقول...

علياء
*******
ربنا يخليكي يا لولو وعقبال فرحتك بمريومة العسولة

غير معرف
********
سرقة ايه
لا وجه للشبه
ربنا يهديك


بسمة صلاح
********
الله يبارك فيكي وعقبالك لو مش مرتبطة وعقبال احبابك لو كنتي مرتبطة
نورتي مدونتي
دمتي بكل حب