الخميس، 11 فبراير، 2010

ساعدوني



بعد أسابيع قليلة تنتهي ألقاب "أم حمبوزو" و"أم كلالا" وحتى "أم كرش" ليكون هناك اسما حقيقيا لمولودتي تناديها به الناس وتسجله الدولة في دفاترها الرسمية .


ويبدو أن اختيار اسم:
1/ حديث .. و2/ جديد .. و3/ بسيط .. و4/ يحمل معنى جميل أصبح أمرا أصعب من الحمل والولادة في هذه الأيام.
والأهم من ذلك أن يحمل موافقة ورضا "أبو النونو" .


ساعدوني في اختيار اسم لمولودتي التي تقول الطبيبة إنها في الغالب بنوتة .

6 التعليقات:

أمواج صامته يقول...

أنا بناتي شهد وساره ايه رأيك فيهم
وكمان عندك اسماء زي هند ريم جنى تسبيح
اريج بدور
اختاري منهم لو حبيتي
وربنا يقومك بالسلامه

Rosa يقول...

اختيار الاسم فعلا حاجه متعبه جدا و خصوصا لو بابا النونو مابيعجبوش اختيارتك :D
لما كنت حامل عملت كمية بحث عن الاسامي لحد ماطلعت عيني :)
انا بنوتي عمرها سبع شهور عقبال بنوتك كده لما تنور الدنيا و تشوفيها و يدوب قلب فيها :) و اسمها بعد التفحيص و التمحيص لمار يعني الذهب المذاب بالعربي او السماء الصافيه بالتركي او الارض بالالماني :)
في كمان من الاسامي البسيطه و اللي كان نفسي اسميها قوي بس بابا لمار مرضيش اسم للي و ده نوع رقيق من الزهور الجميله
و في كمان ليال
ربنا يقومك بالسلامه و تلاقي الاسم اللي يفرحك :)

شيرين يقول...

مرمر هديكي شوية اسامي عارفة انك مش هتسمي منهم

جومانا
روان
رويدا
ريناد
بسملة
نور
مرام

أميرة يقول...

أمواج صامتة
***********
ربنا يباركلك في بناتك ، اساميهم حلوة فعلا، لكني أطمع في الأحلى
جنى كمان حلو ولو انه انتشر شوية

ربنا يكرمك ويتقبل دعاءك


Rosa
******
لمار وللي وليالي .. واضح أنك مولعة بحرف اللام ، ربنا يجعل لمار ذرية صالحة ويفرحك بيها
نورتيني


شيري
****
هههههههههه طب وليه مش هاختار منها ، جايز أبو النونو يرضى عن احدهم
عقبال نونتك يا جميل

كلمات من نور يقول...

ايه الاخبار يا أم النونو؟......

طمنينا عليكي

أميرة يقول...

كلمات من نور
************
أنا بخير ربنا يكرمك
مازالت أزمة اختيار الاسم متفاقمة رغم أني وصلت للشهر التاسع واوشكت على الولادة
لكن اكيد هنوصل لحل
قولي يا رب