الأحد، ٢٥ يوليو ٢٠١٠

ماما في المدرسة



أول يوم مدرسة .. أول يوم مدرسة

الشعور بالفرحة للقاء الأصدقاء وارتداء الملابس الجديدة والعودة من الأجازة المملة .. هذا الشعور الجميل الذي كان يلازمنا بعد انتهاء أجازة الدراسة الصيفية لاحقني اليوم ، حينما عدت لعملي بعد انتهاء أجازة الوضع ، ولكني بدلا من حمل حقيبة الدراسة حملت حقيبة النونو ..


واسترجعت أذني أغنية جميلة لهشام عباس " شايل شنطة ف كتافي .. رايح مشوار خرافي"

وقد عدت إلى الحياة اليوم بملابس جديدة
وحالة اجتماعية جديدة


ووجدت صحابي في نفس الحالة: " نرمو وسماعات الأخبار على أذنيها لتنعزل عن العالم، وشوشو والتليفون الصباحي لا يفارقها، وأنوج في الركن البعيد الهادي، وبدورة على عكس اسمها دايما متأخرة " .

انه حقا شعور لا يوصف

6 التعليقات:

قلب ينبض بالحب يقول...

ههههههه ماشي يامرمر لازم تعرفي اصدقائنا بالنت اني اسمي عكسي على العموم دائما ما كنت انادى بأ يابدورة يامتاخرة نورتي مكانك في قلبي وبجواري دمتي ودامت صداقتنا وربنا يبارك في شبيهتي الصغيرة وعقبال ما تشوفيها اطول مني

غير معرف يقول...

يا اميرة ما أجمل الشعور بالعزلة .. وعلى فكرة
الثلاث شهور دول كان اخر جماد ثاني يعني قبل رمضان الواحد لازم ينقي نفسه استعداد لشهر رمضان ربنا يبلغنا جميعا ويفتح علينا بحلاوة عبادته والانس به

نرمو صبري
احدى ساكنات شارع الهرم

أيامنا الحلوة يقول...

نورتي ياماما اميرة مدرسة محيط للغات
وبعدين التليفون الصباحي الناس تفهمه ايه بتصل بالبوفية طبعا نيييييهههها
بقدومك يامرمر كان في خبر سعيد وسار ربنا يفرح الجميع يارب

تحياتي

أميرة يقول...

قلب ينبض بالحب
**************
يا ستي اتأخري براحتك ، ده حتى القبض بقا بيقلدك .. واديني عدت الى جيرتك الجميلة التي تشعرني بالأمان ، اما شبيهتك دي فلازم تشوفلها حد من بتوع السلة

العزيزة نرمو صبري
****************
فعلا ساكنات شارع الهرم لازم يرفعوا شعار العزلة
ربنا يبلغنا رضاه ويفتح علينا برمضان

أيامنا الحلوة
************
محيط للغات .. ههههه.. طب يالا عشان الهوم وورك بتاعك ، سمعي "ايه بي" عشر مرات امام سماعة التليفون

كلمات من نور يقول...

العودة للمدارس

كلمة بتجيبلي اكتئاب ولو إن البيت بينضبط حاله و البنين بيناموا من بدري


عيد سعيد يا سيدتي

بيتنا القديم يقول...

كل سنة وانت ماما...!
(: