الأربعاء، ٣٠ أبريل ٢٠٠٨

تــــــــــاج

يُحكى أني كنت مرة افتح مدونتي ففاجأني أحد زملاء التدوين بإرساله تاج يطلب مني أن ارتديه وأجيب عليه ..
شكرا للمدون "
في حب مصر" .. سلمت أمري لله وقررت أن أجاوب


السؤال الأول (إجباري)
أذكر 10 أشياء عن نفسك:

الإجابة:
نبدأ بـ"الخمسة الكويسين":
1ـ رغم أني ارتكب الكثير من المعاصي إلا إنني أحب الله جدا وأجاهد لأرضيه
2ـ مرتبة ودقيقة وأعشق النظام والالتزام
3ـ متفائلة.. أخاف على المستقبل لكني أتلهف لقدومه
4ـ أحب عملي (الصحافة الإليكترونية) وأتمنى أن أتقدم فيه وأكره الفراغ
5ـ رومانسية ولكن عقلي يغلب مشاعري أحيانا

"الخمسة الوحشين"

6ـ عصبية
7ـ لا أجيد التصرف في المواقف المفاجئة
8ـ مترددة
9ـ شكاكة وسيئة الظن أحيانا
10ـ بطيئة في إنجاز المهام

إجابة إضافية : "انظر البوست اللي فوق"

السؤال الثاني (إجباري بردوه)
اختر 5 أشخاص تهدى لهم التاج:

قلوب حائرة
بالمقلوب
اكتب بالرصاص
فضفضات
أسرار أنثى

الثالث (وهذا أيضا اجباري)
لا تهدي التاج لمن اهداه لك

طبعا "من غير ما تقول ، هو جاوبه قبل ما يبعتهولي"

الرابع والأخير (عشان كده إجباري)
أترك لصديقك الذى أهداك التاج بان التاج نزل وتعالى شوفه

حاضر سعادتك ..

7 التعليقات:

رُوحْ يقول...

السؤال الأول (إجباري)
أذكر 10 أشياء عن نفسك
1. متسرعة
2. عصبية أحيانا
3.لا أثق في الآخرين بسهولة
4. لديا مرض الوسخ فوبيا أغسل يديا كلما لمست شخصا أو شيئا
5.كسولة
6.أحب مساعدة الآخرين
7. متفائلة
8.أسرح بخيالي كثيرا
10.أصاب كثيرا بالاكتئاب

السؤال الثاني (إجباري بردوه)
اختر 5 أشخاص تهدى لهم التاج:
ليساندرا،،حازم سويلم ،،هناء ،،إسراء حمد ،،هيثم مكارم الموءود

الثالث (وهذا أيضا اجباري)
لا تهدي التاج لمن اهداه لك

أكيد

الرابع والأخير (عشان كده إجباري)
أترك لصديقك الذى أهداك التاج بان التاج نزل وتعالى شوفه

إن شاء الله

في حب مصر يقول...

الصفات الكويسة أكيد مش عليها خلاف
انتي فعلا مرتبة ودقيقة ومتفائلة وجادة ورومانسية بس ليه عقلك بيغلب مشاعرك ده بيتناقض مع الرومانسية..


الصفات التانية بقى: عصبية (يعني نخاف بقى)
لا تجيدي التصرف في المواقف المفاجئة (خايبة يعني هههههههه)
مترددة (بسرة متفقين في دي)
شكاكة وسيئة الظن أحيانا (يا نهار أبيض)
بطيئة في إنجاز المهام (احنا مش متفقين انك جادة وبتحبي عملك ليه بقى البطء)

اجابات جميل
ومبروك عليكي التاج يا أميرة

غير معرف يقول...

الرقيقة أسرار أنثى
*******************
أشكر اهتمامك بالتاج الذي كشف تشابهنا في أكثر من صفة ودعيني أضيف على ما كتبتي أنك مخلوق رقيق مرهف المشاعر ذو ملكة أدبية متميزة
تحياتي

غير معرف يقول...

في حب مصر
*********
"ليه عقلك بيغلب مشاعرك ده بيتناقض مع الرومانسية"..

ده في رأيي لا يتناقض مع الرومانسية لأني أستخدم عقلي من أجل حماية مشاعري من الانهيار أو التلاعب أو الانزلاق في قصة محكوم عليها بالفشل

أما العصبية والتردد وبقية الصفات التانية فبحاول أصلح ما يمكن تصليحه ودعواتك معانا

أشكر اهتمامك وزياراتك اللطيفة لمدونتي

غير معرف يقول...

بقى انتي بتعملي معاصي كتير ياشيخة ده انتي معلمانا الادب عامة ربنا يكرمك ويزيدك طاعة

مرتبة ودقيقة ابصم عليها بالعشرين صوابع ايدي ورجلي وبالذات الدقة يامرمر بصراحة دقة تشل لازم تعرفي كل حاجة من طقطق لسلام عليكم مش بتعرفي تكبري دماغك زي صحبتك اللي هو انا بس متقلقيش انا وراكي وراكي لحد ما ادمر الدقة الزايدة دي ههههه


اقولك انا رايي فيكي يامرمر .. متدينة وعارفة تجمعي بين الدين والدنيا ربنا يكرمك واقدر اعمل زيك كده
كمان ياستي انتي متحاملة دائما على نفسك وتحاسبيها كل ثانية .. تلومي نفسك كثيرا وتحمليها اكثر من طاقتها ...
لاتحبين المواساة او الاحساس بالمن .. كتومة وتحتفظي باسرارك لنفسك الا اذا احتاجتي المشورة او الفضفضة فعند ذلك تفصحي عما بداخلك وهذا ما ادعوكي اليه دائما
دقيقة وتهتمي بمظهرك اختيار ملابسك مع مراعاتك لتناسق الالوان حتى تكوني مثال يحتذى به للفتاة المتدينة المسلمة

مش بتسيبي حقك
تحبي عملك بشدة
انتي عمرك ما كنتي سيئة الظن يااميرة بالعكس انتي دايما بتحسني الظن

غير معرف يقول...

أيامنا الحلوة
*************
مش عارفة أودي كلامك الحلو ده فين .. يا ريت أكون ولو نص الصفات اللي بتقولي عليها دي ..

عرفتي بقا أنا مصحباكي ليه .. عشان طول الوقت بتنفخيني وتبروزيني .. دمتي بكل الحب والود يا انتيختي الجميلة

في حب مصر يقول...

ايه القصيدة الغنائية اللي كاتباها فيكي شرين دي يا أميرة
هو انتو علشان أصحاب تقعدوا تجاملو في بعض كدة.. لا لا لا أنا عايز موضوعية في كلام كل واحدة عن التانية.. من غير مجاملات؟؟؟؟
اتفقنا
ربنا يوفقك يا ستي
وانا مقدرش اشكك في كلام شيرين عنك.. بس ياريت تزودي العيش السن والجبنة القريش ليها..هههههه

تقبلي مروري