الاثنين، ٧ ديسمبر ٢٠٠٩

سوسة






سوسه سوسه سوسه
سوسه كف عروسة
سو سه واللى يسقف


يستاهل منى بوسة


يستاهل منى بوسة
**


سوسه خبط خبط


طبطب يا ابو كف مبطبط


ولا تغلب و لا تتلخبط


ده مفيش اسهل من سوسه


**
سقف خلى الضحكة ترف


و ارقصلى ولف ولفلف


رقص قلبى المتلهلف


على تسقيفة ننوسة


على تسقيفة ننوسة


**
زقزق زقزق بكفوفك


بكفوفك دشدش خوفك


نفسى تكبرلى واشوفك


ماسك فيها الشموسة


**
بكفوفك زقزق زقزق


عصفورة قلبى تزقزق


يسلملى كفه محندق


وضوافرينه فسفوفسه


وضوافرينه فسفوسه


**
سقفلى وعلى تسقيفك


تمشى الدنيا على كيفك


بابا هنا فى اوضتك ضيفك


قوم هتلوا بسبوسة


**
سقفت انا على تسقيفتكب


حنان قلبى لفلفتك


يا سلاملم على تسقيفتك


نونو قوى انما محسوسة


نونو قوى انما محسوسة


**
سوسه سوسه سوسه


سوسة كف عروسة


سوسه واللى يسقف


يستاهل منى بوسة

14 التعليقات:

غير معرف يقول...

يارب سوسة تيجي بالسلامة يارب وتملا الدنيا دقدقة وتصدعلك دماغك انتي وبابتيها يارب وتكون ذرية صالحة يارب "بدورة"

بيتنا القديم يقول...

ممكن تخدي النونة ومع السلامة في الأوضة التانية عشان عندي شغل..!

أميرة يقول...

بيتنا القديم
***********
لا مؤاخذة أنا والنونة أغلبية .. يبقا اللي متضرر هو اللي يسيب المكان.. ولا الكلام ده غلط..!

أميرة يقول...

بدورة الأمورة
************
اللهم آمين وأقولك خدي شيليها والاقيها "ريحت" في حجرك .. وتسقف سوسة معايا يوم فرحك

اقصوصه يقول...

حلوه الكلمات

وطريفه :)

أميرة يقول...

اقصوصة
******
الأجمل هو أن نعيش واقع الأمومة الرائع
تحياتي وامنياتي لكي بكل خير
شكرا لزيارتك

أيامنا الحلوة يقول...

ربنا يجيبلك سوسة بالسلامة يامرمر ومتخلكيش تنامي وتجيلنا الشغل عينك ورمة من قلة النوم ونقعد نصحي فيكي ونقولك قومي حللي راتبك هههههههه

تحياتي

Romia Fahed يقول...

للكتابة العامية عفويتها المريحة ،
كلمات معبّرة عزيزتي..

تصلح أغنية بعد : )

دمتِ لمن تحبي

روميه

أميرة يقول...

أيامنا الحلوة
الله يخليكي يا شوشو وعقبال سوسة بتاعتك انتي ومحمد قريبا ان شاء الله وربنا يفرح قلبك

واكيد لما اجي الشغل وعنية مورمة هاصعب ععليكي وهتعمليلي شغلي وانا نايمة عشان تساعديني في تحليل راتبي

أميرة يقول...

رومية فهد
للعامية بريق البساطة والراحة إذا جاءت في موقعها المناسب لكن الإفراط في استخدامها قد يفقد اللغة جمالها

شرفتيني بزيارتك
ولكن هذه الكلمات بالفعل اغنية للفنانة عفاف راضي كنت احبها واسمعها في صغري

كلمات من نور يقول...

أميرة انتي والنونة اناث يعني مجموعكم مساو للرجل ..يا ترى مين اللي حيغلب؟
أنا عندي أربعة أبناء وزوج يعني حقي ضايع في البيت داه بس ساعات باعمل أسد و أزئر و أهدد و أتوعد ...بيرق قلبهم ساعات ساعات....
أعتقد دي أول زيارة لمدونتك و أتمنى أن نتواصل دوما ..تحياتي

حصان المرجيحة يقول...

هههههههههههههه
الاطفال دول فعلا نعمة
انا لسة ماتجوزتش اصلا بس نفسي ربنا يزوجني و يرزقني طفل مايبقاش رخم ههههههه
شكراا ليكي
تبلي مروري

أميرة يقول...

كلمات من نور
************
احنا اغلبية بوضع اليد وحق البامبرز وضريبة الأمومة والطفولة
والقانون الدولي ومنظمات المراة وحقوق الإنسان كلهم في صفي

العين الحمرا نصيحتي ما تضيعيش حق
شكرا لمرورك وتواصلك

حصان المرجيحة
************
ربنا يكتبلك زيجة صالحة ويوعدك بأطالف موش رخمين ويباركلك فيهم ويمتعك بحياتك

مرورك يشرفني

كلمات من نور يقول...

إيه رأيك في نوراي ؟

داه اسم تركي معناه ضوء القمر المريض

داه اسم بنت أخويا وهي طالعه قمورة ومضيئة تشبه البنات اللي في البوست بتاعك...بالسلامة إن شاء الله